السلام
عليكم
اليوم جبت لكم نكات لنضحك معا
هدا واحد المعلم ديما كينسا السنسلة ديال السروال محلولة. ديما التلاميذ هومة لي كيفكروه.ديما . ديما .واهد النهار كان غادي اجي المفتش. اهو اوصي الدراري. كاليهم ملين اكون المفتش.الا كنت ناسي السنسلة محلولة .كولو لية راه الادارة محلولة .
اوا صافي اسيدي جا المفتش .ناظ المعلم لسبورة.باش ابدا اقري الدراري قدام المفتش .
اهما الدرادي بداو كيقولو :استاذ. استاذ
اهو اقولهم اشنو ياك ما الادارة محلولة .
اهما اقولو ليه لا راه المدير خارج
-----------------------------
واحد معكاز بزااف … قال لصاحبو : دبرت على خدمة. قال له مبروك فين ؟؟ قالو فمطبعه…كانكلس فوق الوراق باش مايطيروش
----------------------------------
واحد هايدوز بيرمي…. مشا عند مول لحانوت قال ليه عندك ضوصي جديد.. مول لحانوت قال ليه ختك يلاه هزها واحد بطوموبيل ( brgag)
------------------------------------
قليك هدو جوج صحاب كانو نعسين فخيمه جا الاول سأل التاني قاليه شنو كاتشوف قدامك
قليه التاني كنشوف السماء صافيه النجوم واضحه وجميله
قليه صاحبو واش كايعني هادشي
التاني قليه كيعني ان الجو جميل واننا في فصل الربيع
وهو يقليك صاحبو افييييييييييييييييييق جمع راسك راهم سرقولينا الخيمه
-----------------------------------------
واحد ديما مقلق تزوج بوحدة ديما مقلقة و عصبية بحالو. النهار اللي جا الطبيب يولد مراتو خرج الولد تيقول للطبيب: سير بحالك ... بعّد مني ... هاني غنخرج ... وافوتني
----------------------------------
هدا واحد السكيري هاز قرعة ديال الروج شاف البوليسي وهوايخبيها.. وهوا يجي عندو البوليسي قاليه ..اش داكشي اللي مخبي قاليه السكيري لا والو غا اللبن ومع لخلعة وهيا طيح ليه القرعة ديال الروج وتهرسات وهوا يقوليه البوليسي هذا هو اللبن ومالو حمر.. قاليه السكيري لا والله اتا لبن غاشافك وهوا يتزنك
ارجوا ان تكون قد اعجبتكم هده النكات
ننتظر تعليقاتكم
والسلام عليكم
امرجوا نشره على الفسبوك الخاص بكم بضغط على ايقونة الفاسبوك اسفلة
وسلام عليكم
دمتم في رعاية الله و حفظه
الى اللقاء
